台灣牌 廣東牌 跑馬仔

台灣牌 廣東牌 跑馬仔，香港麻雀三大玩法，同一張立體雀枱。

揀你熟悉嘅玩法
・台灣牌：十六張，沿用港式加算法。
・廣東牌：十三張，可選一番起糊或三番起糊；有花，開牌後補花。
・跑馬仔：十三張、無花、不可上牌，可碰槓；雞糊可食，自摸抽一隻馬，中馬自摸收入加倍。
各模式嘅起糊條件、番型及結算方法，可喺遊戲內玩法規則查看。

睇得清，打得順
完整 3D 雀枱，四方城、擲骰、開牌同補花動畫；手牌、副露及打出嘅牌都喺同一張枱。上、碰、槓、食糊同自摸配有廣東話報牌及音效。結算列出番型同分數明細，方便逐項睇清楚。

一個人練，或者約朋友
單人練習可選五級電腦難度，亦可用自動難度隨玩家進度調整。真人配對及私人枱打一圈，四家輪流做完莊先完場；連莊繼續打，完場有總結。

保存你嘅雀房
以 Email 驗證碼註冊或登入，亦可先玩單人練習。可更換頭像、背景，查看收藏、戰績及遊戲內排行榜；帳號頁提供備份、恢復及刪除帳號功能。

遊戲籌碼只作娛樂計分，不能購買、兌換現金或提取獎品。本遊戲不提供真錢投注。介面以繁體中文呈現，語音使用廣東話。

支援：admin@cashmate.hk